ფიგუმ "მადრიდის რეალიდან" წასვლის მიზეზებზე ისაუბრა.

"არ შემეძლო გაჩერება, ვინაიდან მე არ ვიყავი ის ფეხბურთელი, რომლის შენარჩუნებაც პრეზიდენტს სურდა. არ ვიცი რა შეიცვალა, მაგრამ კარგად მახსოვს, რომ ერთ-ერთი თამაშის შემდეგ, რომელიც ჩვენ მოვიგეთ და რომლის შემდეგაც წინ კლასიკო გველოდა, მოულოდნელად კლასიკოში მე სათადარიგოთა სკამზე აღმოვჩნდი და ჩემთვის არავის არ აუხსნია ეს"-განაცხადა ფიგუმ.

"ამან მე საკმაოდ დიდი ტკივილი მომაყენა, შესაბამისად მაშინ მე დავფიქრდი წასვლაზე. მე წინ კიდევ ერთი წელი მაკავშირებდა "მადრიდის რეალთან", კარგ გასამრჯელოსაც ვღებულობდი, მაგრამ ვიცოდი, რომ თამაში შემეძლო და ამიტომაც არ მინდოდა სათადარიგოთა სკამზე ჯდომა. ვნახე ახალი პროექტი და დავტოვე "მადრიდის რეალი"" -გააგრძელა ფიგუმ ჟურნალისტთან საუბარში.

ანალოგიურ სიტუაციაშია კაპიტანი იკერ კასილასი, რომელიც ბოლო ექვსი თვეა, რაც სათადარიგოთა სკამზეა. ის ჯერ ჟოზე მოურინიომ დასვა სათადარიგოთა სკამზე, რასაც დიდი პროტესტი მოყვა გულშემატკივრების მხრიდან. ყველა ფიქრობდა , რომ ანჩელოტი სხვანაირად მოიქცეოდა, მაგრამ კარლოც აგრძელებს ანალგიურად.

ფიგუ აცხადებს, რომ წასვლის თუ დარჩენის საკითხი "თავად ადამიანზეა დამოკიდებული". ვინაიდან დარჩენა და არ თამაში "ძალიან ცუდი გამოცდილებაა".