ხესე როდრიგესმა ბარსელონასთან მატჩის წინ ჟურნალისტებთან ისაუბრა და განაცხადა, რომ ბარსელონასთან შეხვედრა თითოეული კასტილიელისთვის უდიდესი პასუხისმგებლობა გახლავთ...

„ჩვენთვის ელ კლასიკო ძალიან ბევრს ნიშნავს, რადგან მადრიდული სულისკვეთებით ვართ აღზრდილნი, როგორც მთავარი გუნდისთვის, ასევე „ბლანკოსის“ ყველა ასაკობრივი კოლექტივისთვის „ბლაუგრანა“ დაუძინებელი მტერი გახლავთ, ეს ორი გუნდი ერთმანეთს ყოველთვის ექიშპება და ჩემპიონობისთვის ეცილება.“

„დარწმუნებული ვარ ჩვენი გუნდი ყველაფერს გააკეთებს წარმატების მისაღწევად. თუკი შანსი მომეცა გოლს აუცილებლად გავიტან, მოტივაცია ნამდვილად არ მაკლია და
ვთვლი, რომ შეგვწევს გამარჯვების ძალა.“

„ნოუ კამპზე თამაში მეტისმეტად რთულია, მაგრამ ეს ყველაზე მეტად მადრიდულ გიგანტს ეხება, რადგან იქაური გულშემატკივრები ყველაზე ცივად სწორედ რეალის ფეხბურთელებს ხვდებიან, თუმცა ჩვენ ამას დიდ ყურადღებას არ მივაქცევთ და კატალონიიდან 3 ქულის წამოსაღებად ვიბრძოლებთ.“

„კარლო ანჩელოტი ძალიან ჭკვიანი მწვრთნელია. ვგონებ, ის სწორედ ისეთ თერთმეტეულს შეარჩევს, რომელიც ყველაზე ოპტიმალური იქნება კონკრეტული სიტუაციისთვის. არამგონია ადგილი სასტარტოში მიმიჩინოს, მაგრამ თუ მან შანსი მომცა, ყველაფერს გავაკეთებ იმისათვის, რომ ნოუ კამპის სტადიონზე გოლის გატანა მოვახერხო, ეს ჩემთვის ისტორიული და დაუვიწყარი მოვლენა იქნება, რომელიც მთელი ცხოვრების მანძილზე მემახსვორება და გამაბედნიერებს.“