ესპანეთის ეროვნულმა ნაკრებმა გაინაღდა მსოფლიოს ჩემპიონატზე ადგილი. აღსანიშნავია, რომ წითლებისთვის სერხიო რამოსი ყველაზე მნიშვნელოვან და გამოყენებად ფეხბურთელად ითვლება , რომელმაც ყველაზე მეტი დრო გაატარა მოედანზე.

მსოფლიოს ჩემპიონატის შესარჩევ ციკლში შესაძლო 720 წუთიდან რამოსმა 701 გაატარა მინდორზე, რაც სარეკორდოა . იგი ყველაზე გამოყენებადი ფეხბურთელია ვისენტე დელ ბოსკეს შეგირდებს შორის. მას მნიშვნელოვნად ჩამორჩება ბუსკეცსი, რომელსაც 100 წუთით ნაკლები აქვს ნათამაშები.

ესპანეთის ნაკრებისთვის ღია კითხვად რჩება თუ ვინ ითამაშებს ცენტრალური ფორვარდის პოზიციაზე. ვილა, ნეგრედო სოლდადო, ტორესი, მიჩუ თუ ფაბრეგასი, რომელიც ცრუ ცხრიანის ფუნქციას შეასრულებს?