იკერ კასილასი ჯერ კიდევ სასიცოცხლო მინერალია ესპანეთის ნაკრების და მადრიდის ''რეალისთვის''. მსოფლიოს მასშტაბით არწყდება კამათი იმის შესახებ, თუ ვინ უნდა იდგეს სამეფო კლუბის და ფურია როხას კარში. მოდით თვალი გადავავლოთ სტატისტიკას. რეალურად ვინ არის საუკეთესო?

ესპანეთის ნაკრების სასტარტო შემადგენლობაში ბევრი ვიქტორ ვალდესს მოითხოვდა, რადგან კატალონიელი მართლაც კარგ ფორმაში იმყოფება, იკერს კი არ უწევს ბევრი თამაშის ჩატარება. საინტერესოა ვინ იქნება ბრაზილიაში გასამართი მსოფლიო ჩემპიონატის მთავარი კიპერი?
ბოლო მატჩებში, რომელიც კასილასმა ''რეალის'' და ესპანეთის ნაკრების რიგებში ჩაატარა უდავოდ იმის მაჩვენებელი იყო, რომ დღეისათვის იკერი კვლავ N1 მეკარეა მსოფლიოში. გადაწყვეტილი ამბავია, რომ დიეგო ლოპესი ლა ლიგის მატჩებში მიიღებს მონაწილეობას, სანი კი ჩემპიონთა ლიგასა და კოპა დელ რეიზე.
სტატისტიკის თანახმად დიეგო ლოპესს ლა ლიგის 11 შეხვედრაში 14 ბურთი აქვს გაშვებული, რაც ყველაზე ცუდი შედეგია 1998-99-00 წლების სეზონის შემდეგ.

სამეფო კლუბს სერიოზული პრობლემები ჰქონდა დაცვაში, თუმცა მეკარის ფაქტორიც, რათქმაუნდა, გასათვალისწინებელია. ბოლო მატჩი დიეგო ლოპესმა ჩააგდო და ორივე გოლი მის კისერზეა. იმის გათვალისწინებით, რომ იკერი ნაკრებშიც და გუნდშიც ბრწყინვალედ გამოიყურება, საინტერესოა როდის გადახედავს ანჩელოტი თავის გადაწყეტილებას და მიიღებს ადეკვატურ ზომებს.