სტივენ ჟერარდმა ჟურნალისტებთან ჩაბი ალონსოზე ისაუბრა და განაცხადა, რომ მისი ჩამოწერა ჯერ ადრეა და ბასკი კიდევ ბევრს მიაღწევს...

„დარწმუნებული ვარ ალონსო ბევრს მიაღწევს და იგი მხოლოდ რეალში თამაშს არ დასჯერდება. ვგონებ, ესპანელი დაბრუნებისთანავე იტყვის საკუთარ სიტყვას, მისი მონდომება მართლაც დასაფასებელია, უმძიმესი ტრავმის მიუხედავად ნახევარმცველი რეკორდულ დროში ახერხებს დაბრუნებას, რაც იმის მანიშნებელია, რომ ის მაქსიმუმს აკეთებს ვარჯიშებზე.“

„იმედი მაქვს, ალონსო „ბლანკოსში“ არ დაასრულებს კარიერას და მასთან ერთად ლივერპულის მაისურით თამაში კიდევ მომიწევს, ჩვენ მას დიდ პატივს ვცემთ და იმედი გვაქვს, რომ მისი დაბრუნების დროც მალე მოვა.“