ძალიან ბევრი ინფორმაცია ვრცელდება იმის შესახებ, თითქოს მადრიდის "რეალის" ჰოლანდიელი ნახევარმცველი რაფაელ ვან დერ ვაარტი კლუბს დატოვებს. რაფაელმა საბოლოოდ განაცხადა, რომ არ სურს მადრიდული გრანდის დატოვება.

ვან დერ ვაარტს მტკიცედ აქვს გადაწყვეტილი "სამეფო კლუბში" დარჩენა და დარწმუნებულია, რომ უფრო მეტ სათამაშო დროს მიიღებს. "საქმეები უკეთესობისკენ წავიდა და უფრო მეტი სათამაშო დრო მეძლევა. ვფიქრობ, შემიძლია დავეხმარო "რეალს" – აცხადებს ჰოლანდიელი.

მას ასევე ჰკითხეს "ჰამბურგში" შესაძლო დაბრუნების შესახებ. გერმანულმა კლუბმა დიდი როლი ითამაშა ვან დერ ვაარტის კარიერაში. "არ ვაპირებ "ჰამბურგში" დაბრუნებას. ეს არ ნიშნავს იმას, რომ ამ გუნდის ან მათი ფანების წინააღმდეგი ვარ. ისინი მუდამ დარჩებიან ჩემს გულებში. მე მსურს "რეალში" დარჩენა და ტიტულების მოგება" – განაცხადა ვან დერ ვაარტმა.


ინფორმაციის წყარო: Defensacentral.com