"რეალმა" გადაწყვეტილება შეცვალა.

ტრავმრირებულ ხაბი ალონსოზე ბევრი დაგვიწერია და ისიც გვითქვამს, რომ ესპანელ ნახევარმცველს "რეალთან" მოქმედი კონტრაქტი სეზონის ბოლოს უმთავრდება და კლუბი მის გახანგრძლივებას აღარ აპირებსო.

შესაბამისად, 31 წლის ნახევარმცველს რიგი დაუდგა და მისი შეძენის სურვილი "ლივერპულმა", "არსენალმა", "მილანმა" და "იუვენტუსმა" გამოთქვეს, თუმცა გუშნ ყველაფერი თავდაყირა დადგა.

"ვინ თქვა, რომ ხაბი ალონსო იყიდება? ასეთი რამ არასოდეს მითქვამს და არა მგონია, ეს სიტყვები რეალის ხელმძღვანელობას ეთქვათ. ჩვენ უბრალოდ იმას ველოდებით, როდის გამოჯანმრთელდება ფეხბურთელი, რომ მასთან ახალ კონტრაქტზე საუბარი დავიწყოთ. დაუწერელი კანონია, რომ სანამ ფეხბურთელს ტრავმა აქვს, მასთან ახალ ხელშეკრულებაზე არავინ საუბრობს,"-განაცხადა კარლო ანჩელოტიმ.

ჩვენ კი გეტყვით, რომ რუუდ ვან ნისტერლოის ფეხი ჰქონდა მოტეხილი, როცა სერ ალექს ფერგიუსონმა ჰოლანდიელთან ახალი კონტრაქტი გააფორმა და დავიჯეროთ, რომ სერმა დაუწერელ კანონზე არაფერი იცოდა?