მისტერ 100 მილიონს ზოგი "რეალში" ამხელა ფასად არ ელოდა.

მადრიდის "რეალის" ყოფილი სპორტული დირექტორი ხორხე ვალდანო არ მალავს, რომ გარეთ ბეილის სანაცვლოდ გადახდილი 100 მილიონი ევრო მასშიც დიდ კითხვებს იწვევს.

სწორედ ამ თემაზე გააკეთა მან გუშინ განცხადება.

"როცა ჩვენ კრიშტიანუ რონალდუ ვიყიდეთ და მასში 90 მილიონზე მეტი გადავიხადეთ, მეც და სხვებმაც ზუსტად ვიცოდით, რომ პორტუგალიელი ამ თანხად ღირდა. არც გულშემატკივრებს და არც სპეციალისტებს არ უკითხავთ, ღირს რონალდო ამ ფასადო? ახლა კი რა ხდება? რეალმა ბეილში 100 მილიონი გადაიხადა და ყველა იმას კითხულობს, ღირს კი უელსელი ამ თანხად? პირადად მე პასუხის გაცემა მიჭირს და წესით, ამ კითხვას პასუხი თავად ბეილმა უნდა გასცეს,"-განაცხადა ვალდანომ.