კრიშტიანუ რონალდო პორტუგალიის ნაკრებზე საუბრობს.

მადრიდის "რეალისა" და პორტუგალიის ნაკრების ლდიერმა კრიშტიანუ რონალდუმ განაცხადა, რომ მისი ეროვნული გუნდი უბრალოდ ვალდებულია, რომ მსოფლიოს ჩემპიონატის შესარჩევ ეტაპზე დარჩენილი ორივე მატჩი მოიგოს.

პორტუგალიელები ისრაელსა და ლუქსემბურგს ეთამაშებიან.

ამ მომენტისთვის, პორტუგალია ჯგუფში 17 ქულით მეორე ადგილზე იმყოფება და ლდიერ რუსეთს 1 ქულით ჩამორჩება.

პორტუგალიელებს ისრაელი მოსდევთ 12 ქულით. რონალდუ კი, ვერაფრით ეგუება იმ ფაქტს, რომ მისი ნაკრები პირველ პოზიციას არ იკავებს ჯგუფში.

"გამარჯვებაში დარწმუნებული ვარ. ეს ორი თამაში აუცილებლად უნდა მოვიგოთ და იმ შემთხვევაში, თუ ლუქსემბურგი და ისრაელი ვერ დავამარცხეთ, მაშინ გამოდის, რომ მუნდიალზე ფიქრიც კი ზედმეტია",-განაცხადა რონალდომ.