მადრიდის "რეალი", იტალიური "იუვენტუსის" ნახევარმცველით, ანდრეა პირლოთი ინტერესდება.

გასულ კვირას, ნახევარმცველმა მონაწილეობა მიიღო "იუვენტუსსა" და "მილანს" შორის გამართულ მატჩში. მან ყველას დაგვანახა, რომ ის ჯერ კიდევ შესანიშნავ ფორმაში იუმყოფება: მან ტურინული კლუბის შემადგენლობაში ორი გოლი გაიტანა, რომელთაგან ერთ-ერთი საჯარიმო დარტყმიდან. ის იყო ერთ-ერთი საუკეთესო "ბებერი ქალბატონების" შემადგენლობაში.

მატჩის შემდეგ ინგლისურ პრესაში გავრცელდა ინფორმაცია, რომ რამდენიმე კლუბს ძალიან სურთ გამოცდილი ნახევარმცველი თავიაანთ რიგებში იხილონ. ამავე დროს, Daily Mail-ის ინფრომაციით, ყველაზე დიდ ინტერესს პირლოს მიმართ მადრიდის "რეალი" და ლონდონის "ტოტენჰემი" გამოხატავენ.

ჭორები "სამეფო კლუბის" ინტერესზე იტალიელ ნახევარმცველზე ჯერ კიდევ ზაფხულის სპორტულ პრესაში ვრცელდებოდა და დაკავშირებული იყო "რეალში" კარლო ანჩელოტის გადასვლასთან, რომელსაც პირლოსთან ძალიან კარგი პირადი ურთიერთობა აქვს, ასევე ის კარგად იცნობს მის შესაძლებლობებს. ახლა ეს ჭორები გააქტიურდა ჩაბი ალონსოს ტრავმის გამო, რომლის დაბრუნების ზუსტი დრო ჯერ კიდევ უცნობია.

რაც შეეხება "ტოტენჰემს", ლონდონური კლუბის მთავარი მწვრთნელი, ანდრე ვილაშ-ბოაში ოცნებობს "იუვენტუსის" პლეიმექერის საკუთარ გუნდში ხილვაზე, რადგან მისი გადასვლა ლონდონში დადებითად იმოქმედებს გუნდზე და პირლო თავის უზარმაზარ გამოცდილებას "სპურსის" ახალგაზრდა ნიჭიერ ტალანტებს გაუზიარებს.