სერხიო აგუეროს განცხადებით, წლების წინ მას შეეძლო მადრიდის რეალისკენ აეღო გეზი, მაგრამ რაღაც გარემოებებმა პრემიერ ლიგაში თამაში გადააწყვეტინა...

„მადრიდი ჩემთვის ნაცნობი ქალაქია, ესპანეთის დედაქალაქში წლების მანძილზე ვასპარეზობდი და „ბლანკოსს“ ყოველთვის პრინციპულ მეტოქედ აღვიქვამდი, შემეძლო რეალში თამაში, მაგრამ ბევრი ვიფიქრე და მივხვდი, რომ პრიმერა დივიზიონიდან წასვლა და პრემიერ ლიგაში ძალების მოსინჯვა გაცილებით უფრო სარფიანი იქნებოდა.“

„სიტიში ბედნიერი ვარ, ჩვენ გვყავს ახალი მწვრთნელი, რომელიც თავისი გეგმით არის მოსული, თითოეული ფეხბურთელი თავისი როლის შესრულებისკენ არის მიმართული, ყველას თავისი საქმე აქვს, ჩვენ ვაშენებთ კლუბს, რომელმაც უკვე მოახერხა ინგლისის ჩემპიონატის მოგება.“

„აქ ყოველთვის სწრაფი ტემპია და თითოეულმა ფეხბურთელმა უნდა იცოდეს, რომ თუ ინგლისში წარმატების მიღწევა სურს, ფიზიკურად უნდა იყოს მზად, ეს არ ეხება მხოლოდ პრემიერ ლიგას, მინდა გითხრათ, რომ ხშირად დავსწრებივარ ჩემპიონლიგის და კიდევ უფრო დაბალი რანგის ჩემპიონატების შეხვედრებს, ყველა დაპირისპირება საინტერესოდ მიმდინარეოებს და უდიდეს ენერგიას მოითხოვს.“