მადრიდის "რეალის" თავდამსხმელმა, კარიმ ბენზემამ, მატჩში "ლევანტეს" (3-2) წინააღმდეგ კვლავ ვერ მოახერხა გოლის გატანა.

ასე რომ, საფრანგეთის ეროვნული ნაკრების თავდამსხმელს 326 წუთიანი უგოლო სერია დაგროვდა, იტყობინება AS.

ბოლოს ბენზემამ ესპანეთის ჩემპიონატის მეორე ტურის მატჩში, "გრანადას" (1-0) წინააღმდეგ გაიტანა გოლი.

მიუხედავად ცუდი შედეგებისა, მადრიდის "რეალის" მთავარი მწვრთნელი, კარლო ანჩელოტი ფრანგს ენდობა და ის ძირითადი შემადგენლობის უცვლელი წევრია.