ესტებან გრანერო მოუთმენლად ელის "ბარსელონასთან" მატჩს.

მადრიდის "რეალის" ნახევარმცველი ესტებან გრანერო 29 ნოემბერს "ბარსელონასთან" მატჩს გუნდისთვის გადამწყვეტად თვლის.

"ეს იქნება კარგი შანსი იმისა, რომ დავამტკიცოთ ჩვენი შესაძლებლობები ლა ლიგაში. ეს მატჩი იქნება ექვს ქულიანი, როგორც ჩვენთვის, ასევე "ბარსელონასთვისაც". ისინი ჩვენი მთავარი კონკურენტები არიან. სწორედ ამიტომ უნდა გამოვიყენოთ ყველა შანსი ამ შეხვედრაში. ეს იქნება ჩვენთვის გადამწყვეტი" – აცხადებს ახალგაზრდა ფეხბურთელი.

22 წლის ფეხბურთელი დარწმუნებულია, რომ "რეალი" ისევე შეძლებს თამაშს, როგორც "მილანთან" პირველ ტაიმში ჩემპიონთა ლიგის მატჩში.

"ჩვენ ვიპოვეთ ჩვენი სათამაშო სტილი. უბრალოდ უნდა შევინარჩუნოთ იგი. რაში მდგომარეობს ეს სტილი? იმაში, რომ ბურთი ვაკონტროლოთ და ბევრი დრო გავატაროთ შეტევაში. მაგალითად აიღეთ "მილანთან" მატჩი" – განაცხადა გრანერომ.

მაგრამ "ბარსელონასთან" თამაშის წინ "რეალის" მეტოქე შაბათს ლა ლიგაში იქნება სანტანდერის "რასინგი", ხოლო 25 ნოემბერს ჩემპიონთა ლიგაზე "ციურიხი".


ინფორმაციის წყარო: Goal.com