ვფიქრობ, გადაჭარბებული არ იქნება თუ ვიტყვი, რომ ამ მომენტისათვის, სამეფო კლუბის სათამაშო ტაქტიკა „არ გააჩნია.“

ანჩელოტის შეგირდები, ვერც დაცვაში გამოირჩევიან ცნობილი აგრესიულობით და ვერც შეტევაში, მწვავე კონტრ-შეტევებით.ბურთის ფლობაცა და თამაშის სადავეებზე 90 წუთის განმავლობაში კონტროლის დამყარებაც, რაც იტალიელის კრედოა, ჯერჯერობით მადრიდიელებისგან შორსაა.

ალბათ, „თეთრები“ ახალ სტილზე გადაწყობის რეჟიმში არიან, მაგრამ სად დაიაკრგა მოურინიოს მიერ ნასწავლი სწრაფი შეტევები, მეორე საკითხია.

ნიშანდობლივია, რომ პრიმერა დივიზიონის 7 დაპირისპირებაში, გუნდმა 7 გოლი გაუშვა.ამ პერიოდის განმავლობაში, მეტოქეებმა 79-ჯერ დაარტყეს "ბლანკოსის" კარის მიმართულებით, რაც ისეთი დონის კლუბისთვის, როგორიც "რეალია,“ ორჯერ აღემატება საშუალო მაჩვენებელს.დამეთანხმებით, რომ არა ლოპესის თავგანწირული მოქმედება რიგ ეპიზოდებში, მიღებული ბურთების გარაფა, შესაძლოა ორ ციფრიანიც კი ყოფილიყო.