ლა ლიგაში უსახური გამოსვლის და უშუალო კონკურენტებთან ხუთქულიანი ჩამორჩენის შემდეგ, ''რეალის'' ფეხბურთელები ჩემპიონთა ლიგაზე შეეცდებიან რეაბილიტაციას. ოთხშაბათს სანტიაგო ბერნაბეუ ''კოპენჰაგენს'' უმასპინძლეს, გუნდს , რომელმაც ''ბებერ ქალბატონს'' პირველ ტურში ქულები დააკარგვინა.

წაგებული მატჩის შემდგმომ სრული აქცენტი ჩემპიონთა ლიგაზეა გადატანილი. ოთხშაბათს უმნიშვნელოვანესი მატჩი ელის სამეფო კლუბს, სადაც უნდა დამტკიცდეს, რომ ''ატლეტიკოსთან'' მარცხი შემთხვევითობა იყო.
2002 წელს ზიდანის ჯადოსნური დარტყმის შედეგად მოპოვებული ჩემპიონთა ლიგის მეცხრე ტიტული აგერ უკვე მეთორმეტე წელია ''რეალს'' სანატრელი გაუხდა.

უკანასკნელად ჩემპიონთა ლიგაზე თეთრები შინ ''ბარსელონასთან'' 2011 წელს დამარცხდნენ, როდესაც მოედნიდან პეპე უსამართლოდ გააძევეს. მას შემდეგ მოყოლებული ''რეალმა'' მშობლიურ სტადიონზე 12 მატჩი გამართა, არცერთი მარცხი, 10 გამარჯვება და 2 ფრე ასეთია მათი მონაგარი.ამ თორმეტ შეხვედრაში მათ მოახერხეს 39 ბურთის გატანა, საშუალოდ 3.29.

გასაოცარია რონალდოს სტატისტიკა, რომელმაც 20 შეხვედრაში 24 გოლის გატანა მოახერხა. საინტერესო სტატისტიკა აქვს ისკოსაც 9 შეხვედრაში 4 გოლი და 3 ასისტი.



eurosport.com