„რეალი“ - „ატლეტიკოს“ ნამატჩევს (0-1), კარლო ანჩელოტიმ პრესკონფერენცია გამართა.

„ვფიქრობ, ჩვეულ სტილში უნდა განვაგრძოთ მუშაობა და ბურთთან ერთად უფრო მეტი სავარჯიშო გავაკეთოთ.მიმდინარე კვირამდე, „ბლანკოსი“ დიდებულად ასპარეზობდა და ამიტომაც, არაფრის შეცვლას ვაპირებ.ჩვენ „ვილიარეალის“ გარდა, ყველა მატჩი მოვიგეთ.მართალია, პრიმერაში ლიდერებთან ჩამორჩენა უკვე 5 ქულას შეადგენს, მაგრამ სეზონი საკმაოდ გრძელია და გვექნება შანსი ჰანდიკაპის შემცირებისა.ყველანაირი რესურსი არსებობს იმისა, რომ მოთამაშეები კარგად მოერგონ ჩემ სისტემას.დარწმუნებული ვარ, გამოვასწორებთ.ჩვენ უნდა დავიბრუნოთ თავდაჯერებულობა.“

„ჩვენ თამაშს აკლია სისწრაფე, ვერტიკალურობა და უბურთოთ ბევრი მოძრაობა.როდესაც მოძრაობის გარეშე იღებ ბურთს, ეს მეტოქეს პრობლემას არ უქმნის.მე ვენდობი ჩემ შეგირდებს და ვფიქრობ, მათაც იციან თუ რას ვითხოვ.პრობლემა არა ტაქტიკაში, არამედ შეუთანხმებელ მოქმედებებშია.“

„ისკომ თამაში საკმაოდ დაბალ დონეზე ჩაატარა და ამიტომ გავიყვანეთ.ამასთანავე, გოლის გატანის ერთადერთ შესაძლებლობად, საჯარიმოში ჩაწოდება მიგვაჩნდა და აქედან გამომდინარე, ორივე ფორვარდის დაყენება იდგა დღის წესრიგში.“

„ვგონებ, „ატლეტიკო“ იმსახურებდა გამარჯვებას.ისინი კარგად იცავდნენ თავს და ჩინებულად თამაშობდნენ კონტრ-შეტევების დროს.“

„ბეილმა მარჯვენა ფრთა ჩაიბარა.მას ამ ამპლუაში საკმაო გამოცდილება გააჩნია.ჩვენ კონკრეტულად მისთვის, მონახაზს ვერ შევცვლით.“

realmadrid.com