"რეალის" მარცხენა ფლანგელი მარსელო თვლის, რომ "რეალს" შეუძლია წაართვას "ბარსელონას" ესპანეთის ჩემპიონის ტიტული და აცხადებს, რომ არ ეშინიათ "კამპ ნოუზე" თამაშის, რომელიც 29 ნოემბერს გაიმართება.

Marca-თან ინტერვიუში ასევე მარსელომ განაცხადა, რომ პელეგრინის უნდა მისცენ დრო და ასევე მანუელი ის მწვრთნელია, რომელიც "რეალს" დიდ გამარჯვებებამდე მიიყვანს.

"ვიცით, რომ ერთადერთი გზა გამარჯვებებისთვის არის მუხლჩაუხრელი შრომა ვარჯიშებზე. როცა გუნდი აგებს, ეს მუდამ მტკივნეულია, მაგრამ ვფიქრობ ვნახეთ საერთო ენა მწვრთნელთან და შედეგიც მალე იქნება".

"ბარსელონას" შესახებ ბრაზილიელმა მცველმა შემდეგი განაცხადა: "ჯერ არ ვფიქრობთ "ბარსელონასთან" მატჩზე, რადგან მანამდე ორი მეტოქე უნდა დავამარცხოთ: "რასინგი" და "ციურიხი".

მარსელომ ასევე ისაუბრა გუნდის ახალწვეულებზე. მან დაახასიათა თანამემამულე კაკა.

"დიახ, კაკა ერთ–ერთი საუკეთესოა. მასთან თამაში ისეთივე ადვილია, როგორც რაულთან. ისინი პროფესიონალები არიან და იციან რაა საჭირო რთულ მომენტში. ასეთ მოთამაშეებთან მუდამ ადვილია თამაში".


ინფორმაციის წყარო: Goal.com