მადრიდის "რეალის" ესპანელმა "დირიჟორმა," ხაბი ალონსომ, ჟურნალ "ჰალა მადრიდს"-ს ვრცელი ინტერვიუ მისცა.

- როგორ მოერგოთ ახალ ქალაქსა და ახალ გუნდს?
- ძალიან კარგად.მადრიდი ძალიან მიყვარს და ვიცოდი, რომ აქ პრობლემები არ მექნებოდა.კლუბმა ყველაფერი გააკეთა იმისათვის, რათა მე და ჩემს ოჯახს კომფორტულად გვეგრძნო თავი აქ.

- როგორი სახის ფეხბურთს ანიჭებთ უპირატესობას?
- მე მომწონს ის გუნდები, რომლებიც ხშირად უტევენ და კარგად ფლობენ გუნდს.მიხარია, რომ ეს ყველაფერი "რეალს" ახასიათებს.

- პელეგრინის რომელი ტაქტიკური მონახაზი მოგწონთ ყველაზე მეტად?
- მანუელი ბევრ სქემას იყენებს, თუმცა აღსანიშნავია, რომ ჩვენ ნებისმიერ მონახაზში გვაქ თავისუფლება.

- რომელ ფეხბურთელთან ერთად ტანდემში გრძნობთ თავს კომფორტულად? ლასთან თუ გუტისთან?
- არ აქვს მნიშვნელობა ვინ ითამაშებს მოედანზე, მთავარია გამარჯვება მოვიპოვოთ.ზოგი ფეხბურთელი დაცვის სტილისაა, ხოლო ზოგი შეტევის.

- ბევრი ფეხბურთელი ოცნებობს სამეფო გუნდში თამაშზე...
- "რეალში" ბევრი კარგი ფეხბურთელია, ვიმედოვნებ, რომ ყველაფერს გავაკეთებ ამ გუნდისათვის.ვამაყობ, რომ სამეფო კლუბის ახალი პროექტის წევრი ვარ.

- რას ფიქრობ მაშინ, როდესაც ისეთ ფეხბურთელებს ხედავ, როგორებიც არიან რონალდო, რაული, კასილასი კაკა და ა.შ.
- ასეთ დროს ძალზედ მიადვილდება სამუშაო, რამეთუ ჩემს ირგვლივ მაღალი კლასის მოთამაშენი ირჯებიან.

- რა მოაქვს კაკას გუნდისათვის?
- ის უდიდესი ფეხბურთელია.ვგონებ, "რეალმა" მისი შეძენით ძალიან დიდი ნაბიჯი გადადგა წარმატებისკენ.

- და რონალდუს?
- კრიშტიანუ შეტევაში შეუდარებელია.

- რას გეუბნებათ პელეგრინი?
- ჩემი მოვალეობაა, ვიყო ხიდი შეტევასა და დაცვას შორის.პელეგრინი მეუბნება, რომ მაქსიმალურად დავიხარჯო და ისე ვითამაშო, როგორც მჩვევია.

- "რეალში" ესპანეთის ნაკრები ბევრი მოთამაშეა.ეს მოვლენა გუნდს სპეციალურ ხასიათს სძენს?
- ეს საკმაოდ კარგი ფაქტია.ჩვენ საშუალება გვაქვს ერთად ვივარჯიშოთ როგორც ნაკრებში, ასევე გუნდში.

- რას იტყვი შენს ინგლისურ კარიერაზე...
- ინგლიში ხუთი წლის განმავლობაში ვთამაშობდი.ამ პერიოდში ბევრ წარმატებას მივაღწიე და ბევრი რამ ვისწავლე ინგლისისი ჩემპიონატიდან.

- რითი მიგიზიდათ სამეფო გუნდმა?
- მე მივხვდი, რომ მოვიდა დრო "ლივერპულიდან" სხვაგან წასვლისა.სიმართლე გითხრათ, 5 წლის წინ "რეალში" მოსვლის შანსი მქონდა, თუმცა მაშინ ეს ტრანსფერი არ გაიჩარხა.

- გახსოვთ ის დღე, როდესაც ფეხბურთელობა გადაწყვიტეთ?
- ადრეული ასაკიდან ვთამაშობდი ფეხბურთს, თუმცა მშობლები მეუბნებოდნენ რომ განათლება პირველ რიგში იდგა ჩემს ცხოვრებაში.როდესაც "სოსიედადის" პირველ გუნდში მოვხვდი, მაშინ მივხდი, რომ ჩემს ფეხბურთელობას წყალი არ გაუვიდოდა.

- თქვენ და მამა ხშირად საუბრობთ, "ბარსასა" და "რეალის" მეტოქეობაზე? ყველამ კარგად ვიცით, რომ ის კატალონიურ გუნდში თამაშობდა...
- ის ჩემს ნებისმიერ ნაბიჯს თვალ-ყურს ადევნებს და ასი პროცენტით მიჭერს მხარს.

- როგორია დღევანდელი "რეალი?"
- ჩვენ გვაქვს უდიდესი პოტენციალი, თუმცა გარკვეული ასპექტები გამოსასწორებელი გვაქვს.

- ლა ლიგის მოგებაზე ფავორიტები ხართ?
- ჩვენი მიზანია ორივე ტიტულის მოგება.

- გაგიგია რაიმე "სიბელესის" შესახებ?
- რასაკვირველია.მე ეს მოვლენა არა ერთხელ ვნახე ტელევიზორში.იმედია წელს თავად ვიქნები "სიბელესის" მონაწილე.ეს მოვლენა მადრიდიზმისთვის ძალიან ბევრს ნიშნავს.

პ.ს. "სიბელესი" არის მადრიდის შუაგულში შადრევანი, სადაც "რეალი" ზეიმობს თავის ტიტულებს.სწორედ შადრევანზე ეწყობა პოდიუმი, სადაც ფეხბურთელები ტიტულის მოგების შემდეგ მიდიან და ქომაგებთან ერთად ზეიმობენ.