"მარტინეს ვალეროს" სახელობის საფეხბურთო არენა, სადაც ს.კ. "ელჩე" საშინაო შეხვედრებს ატარებს, ილიარასთვის ნაცნობია.

ბოლოს, როდესაც ასიერი აღნიშნულ სტადიონზე იმყოფებოდა, 20 წლის იყო.მართალია, ის თამაში ბასკებმა 4-1 დათმეს, მაგრამ ფეხბურთელისთვის მაინც დასამახსოვრებელი გამოდგა, რამეთუ სწორედ მაშინ, პირველად მოირგო "სოსიედადის" მთავარი გუნდის მაისური.

ალბათ, თვითონ ილიარამენდიც ვერ ივარაუდებდა, რომ დებიუტიდან 3 წლის შემდეგ, იმავე მინდორზე დაბრუნდებოდა, როგორც "რეალის" ყველაზე ძვირადღირებული ესპანელი მოთამაშე, რომლის სადებიუტი თამაშის დასრულებისთანავე, თანაგუნდელმა ინიაგო სარაგოსამ საქებარი სიტყვები არ დაიშურა მისი მისამართით: "დარწმუნებული ვარ, ადამიანები დაიმახსოვრებენ ილიარას."

მოკლედ, ფეხბურთში ყველაფერი ხდება.დღეს, ასიერი "თეთრ" მაისურში გამოწყობილი შეეცდება მასპინძლებისთვის რევანშის აღებას.