"ელჩესთან" თამაშის ბოლო სავარჯიშო სესიაზე, ვალდებებასის ბაზას, სასიამოვნო ადამიანი ესტუმრა.

ყოფილი თანაგუნდელები დიადმა ბრაზილიელმა გოლეადორმა, რონალდომ მოინახულა, რომელსაც "რეალის" რიგებში, 2 ლა ლიგა, 1 საერთაშორისო თასი და 1 ესპანეთის სუპერ თასი აქვს მოგებული.

"კიჭამ" პორტუგალიელი რონალდუს მისამართით საქებარი სიტყვები არ დაიშურა: "კრიშტიანუ ძალიან კარგი მოთამაშეა.მადრიდში უფრო სრულყოფილი გახდა და ყველა სიამოვნებას იღებს მისი თამაშის შემხედვარე.მასზე ესპანეთში გადმოსვლა დადებითად აისახა."მანჩესტერში" ბევრ გოლს იტანდა, მაგრამ აქ უფრო ბევრის გატანა დაიწყო.ის ნამდვილი მეგოლეა და შეუდარებელი ფეხბურთელია."

"მადრიდში 5 წლის განმავლობაში ვცხოვრობდი და მოხარული ვარ, რომ კიდევ მომეცა აქ მოსვლის საშუალება.დედაქალაქში სახლს ახლაც ვფლობ.ნამდვილად ტკბილად მახსენდება მაშინდელი პერიოდი.ახლა, გუნდში ძირითადად ახალგაზრდები ირიცხებიან, თუმცა არიან ისეთებიც, რომელთა გვერდითაც მიწევდა ბურთის გორაობა.საუბარია, კასილიასზე, რამოსზე და ზიდანზე.ძალიან მენატრებოდა აქაურობა და ამიტომაც სტუმრიბა გადავწყვიტე."

"ანჩელოტის დარიგებული გუნდები ყოველთვის კარგად გამოიყურებიან.ის გამოცდილი მწვრთნელია და ფეხბურთელებისათვის ნამდვილი მეგობარია."

"ამ მომენტისათვის, 2014 წლის მსოფლიოს ჩემპიონატის საორგანიზაციო საკითხებში ვარ ჩართული.ეს ჩემთვის დიდი პატივია.მთელი ბრაზილია მუნდიალის მოლოდინშია."