„ხეტაფეს“ ძლევით გახარებულმა ანჩელოტიმ, თავისი შეგირდების გარჯა მიმოიხილა.

„რა თქმა უნდა, გუნდის თამაშით კმაყოფილი ვარ, თუმცა სრულყოფილებამდე ბევრი გვიკლია.უწინარეს ყოვლისა, გამოსასწორებელია თამაში ფლანგებზე.ჩვენ გაცილებით მრავალფეროვანი იერიშები უნდა ვაწარმოოთ.აღსანიშნავია, რომ ზოგჯერ ბურთს უკან ვაბრუნებთ, თუმცა უკეთესი ვარიანტი იქნებოდა, მისი გათამაშება ნახევარმცველებს შორის.მოკლედ, ყველაფერი გამოსწორებადია.“

„ყველას შეუძლია ისკოს ნიჭზე საუბარი, მაგრამ გასაკვირია ის არის, რომ 21 წლის ფეხბურთელს, ასეთი პირადი თვისებები გააჩნია.ამის გამოვლენა ბერნაბეუზე, რომელსაც უდიდესი ისტორია აქვს და რომლის ქომაგებიც თითოეულ მოთამაშეზე ზეწოლას ახდენენ, ძალიან რთულია, მაგრამ მალაგელი ჩინებულად ართმევს თავს.“

„ანხელი ხარისხიანი და დინამიური მოთამაშეა.ის ყოველთვის თავდაუზოგავია, როგორც ვარჯიშებზე, ასევე მატჩებში.მისი ხილვა მოედნის ნებისმიერ წერტილში შეიძლება, რაც მნიშვნელოვანია.“

„კარიმმა საქმე კარგად შეასრულა.პირველ ტაიმში მომენტები არ ჰქონია, თუმცა შთამბეჭდავად გადაადგილდებოდა მოედანზე.რაც შეეხება მეორე ნახევარს, მან 2 ხელსაყრელი ეპიზოდი ქარს გაატანა და ამიტომაც გამოვცვალე.ქომაგებმა მისი გარჯა დაინახეს და ტაში დაუკრეს, რასაც მივესალმები.“

„ვფიქრობ, ბენზემა ხასიათის ფეხბურთელია.მოტივაციისათვის, აპლოდისმენტებიცა და სტვენაც იდეალური საშუალებაა.“

„ბეილის გარკვეული პრობლემები აღმოაჩნდა გახურების პროცესში, თუმცა ამას ტრავმას ვერ ვუწოდებთ.ექიმებმა მითხრეს, რომ ყველაფერი მალე მოგვარებადია.ამასთანავე, ველოდებით ტესტის შედეგებს.გამომდინარე იქედან, რომ თავად განიცდიდა დისკომფორტს, გარისკვა არ გვიცდია.რა თქმა უნდა, ამ მომენტისათვის გარეთი არარის ბედნიერი, რამეთუ „ბერნაბეუზე“ დებიუტი გადაედო, მაგრამ ვარწმუნებ, რომ მომავალში ამ სტადიონზე გამოსვლის არა ერთი შანსი მიეცემა.ვფიქრობ, „ელჩესთვის“ მისი გამოჯანმრთელება არ მოეწსრება, მაგრამ დიდი იმედი მაქვს, „ატლეტიკოსთან“ შეხვედრისთვის სრულ მზადყოფნაში იქნება.ჩვენ ვმუშაობთ, რათა მისი ფიზიკური კონდიციები იდეალურს მივუხლოვოთ.“

„ჩემი აზრით, ყველა ქვეყნის პრესა განსხვავდება ერთმანეთისაგან, თუმცა ვფიქრობ, იტალიურსა და ესპანურს შორის ბევრი მსგავსება არსებობს.ინგლისური პრესა კი თავისი სპეციფიკით გამოირჩევა.იქ უფრო მეტად პირადი ცხოვრება აინტერესებთ.მე არაფერი მაქვს საპრობლემო, პირიქით კიდევ ერთხელ პატივისცემას გამოვხატავ ამ პროფესიის ადამიანების მიმართ.“

realmadrid.com