მას შემდეგ, რაც სეზონმა სტარტი აიღო კარიმ ბენზემა საკმაოდ შედეგიან ფეხბურთელად ჩამოყალიბდა. გარდა იმისა, რომ ფრანგი თითქმის ყველა შეხვედრაში ახერხებს ბურთის მეტოქის კარებში გახვევას, მას 2 გადაცემაც აქვს ჩაწერილი საკუთარ აქტივში...

კარლო ანჩელოტის ფორმაციის რეალში ბენზემა თავს კომფორტულად გრძნობს და ცდილობს მაქსიმუმი გაიღოს საკუთარი შესაძლებლობების კარგად წარმოსაჩენად.

ფრანგი ეროვნულ გუნდში არც ისე კარგად გამოიყურება, უკვე რამდენიმე მატჩია იგი ვერ ახერხებს „მამლების“ დახმარებას, საქართველოს ნაკრებთან უსახურო შეხვედრის შემდეგ მას მომდევნო მატჩის სათადარიგოდან დაწყებაც მოუხდა, თუმცა ეს სიტუაცია არ მოქმედებს კლუბზე, სადაც იგი ახერხებს გოლების გატანას.

აღსანიშნავია, რომ კარიმმა ჩემპიონთა ლიგაც მშვენივრად დაიწყო და აქტივში 2 გოლი ჩაიწერა, გალათასარაის წინააღმდეგ ფრანგი საკმაოდ პროდუქტიული იყო და ყველაფერს აკეთებდა საკუთარ გუნდელებზე მხარის ასაბმელად.