მოგეხსენებათ, გასულ მატჩში რონალდუმ პორტუგალიის ნაკრებში ჰეთ-ტრიკი შეასრულა და გადაუსწრო ლეგენდარულ ეუსებიოს, რომელმაც 64 მატჩში 41 გოლი გაიტანა. "რეალის" ვარსკვლავს 4 გოლი სჭირდება იმისთვის, რომ ნაკრების ყველა დროის საუკეთესო ბომბარდირი გახდეს. ფიგუმ რონალდუს და ეუსებიოს შედარებაზე ისაუბრა.

"არ ვფიქრობ, რომ ეუსებიო სხვა ვინმეს უნდა შევადაროთ. ჩემთვის, ის არის მეფე. ხალხი საუბრობს იმაზე, თუ ვინ არის უკეთესი, ეუსებიო, რონალდუ, მარადონა თუ ფიგუ, მაგრამ საბოლოოდ ამის გადაწყვეტა შეუძლებელია, რადგან თითოეული ადამიანი განსხვავებულად ფიქრობს,"-განაცხადა მადრიდის "რეალის" და "ბარსელონას" ყოფილმა ფეხბურთელმა.