კატალონიის "ბარსელონას" ცენტრალურმა მცველმა, ჟერარდ პიკემ, მცირე კომენტარი გააკეთა ნახევარმცველის, გარეთ ბეილის ტრანსფერზე ლონდონის "ტოტენჰემიდან" მადრიდის "რეალში".

"წინასწარ ვერ იტყვი, როგორ და როდის იპოვის გარეთი თავის ადგილს "რეალის" იერარქიაში. ძალიან ძნელია ადაპტაცია, როდესაც შენს გვერდით რონალდუ, ბენზემა და სხვა ვარსკვლავები თამაშობენ. მადრიდში აწყობილია დიდი გუნდი, ყოველი მოთამაშე მუდმივად საინტერესოა საზოგადოებისთვის. ბეილი გამონაკლისი არ არის. როდესაც ასეთ კლუბებში თამაშობ, თამაში ყოველთვის ზეწოლის ქვეშ გიწევს, იმიტომ რომ, ყველა ყოველთვის შენგან გამოჩენილ თამაშს და მოგებას ელოდება. ასე რომ, ბეილს ძალიან გაუჭირდება, განსაკუთრებით პირველ თვეში", - განაცხადა პიკემ.