სერხიო რამოსის განცხადებით მადრიდის რეალი პირველ სერიოზულ გამოცდას მიმდინარე სეზონში სულ მალე ჩააბარებს და ძალიან საინტერესო იქნება თუ რა შეფასებას მიიღებს...

„წინ მართლაც დიდი მატჩები გველის თანაც 3 დღის შუალედში. ვილიარეალი მიმდინარე სეზონში ნამდვილი აღმოჩენდაა, „წყალქვეშა ნავმა“ სამიდან სამი შეხვედრა მოიგო და 9 ქულას მოუყარა თავი, ისინი მართლაც ძალიან მონდომებულები არიან და თამაში ნამდვილად გაგვიჭირდება, მითუმეტეს „ბლანკოსს“ დანაკლისები აქვს. იმედს გამოვთქვამ შეხვედრამდე ერთი ფეხბურთელის დანაკლისს მაინც მიიღებს ლაზარეთი.“

„ვილიარეალის შემდეგ ჩემპიონთა ლიგის დრო დგება, უდიდესი მნიშვნელობა ექნება ჯგუფური ეტაპის პირველ შეხვედრაში წარმატების მიღწევას, რადგან კონკურენცია დიდია და თითოეულ ქულას ოქროს ფასი აქვს. დარწმუნებული ვარ როგორც იუვენტუსი, ასევე სტამბულის გალათასარაი ბოლომდე იბრძოლებენ ლიგის 1/8 ფინალში გასასვლელად.“

„ჩვენ სულ ახალი გუნდი გვყავს, რომელსაც ნაწილობრივ აკლია შეთამაშება, თუმცა ეს არაფერს ნიშნავს, კლასი მაინც თავისას შვება, მითუმეტეს კარლო ანჩელოტი ყველაფერს აკეთებს იმისათვის, რომ ახალწვეულთა დროული შერწყმა მოხდეს ძირითად ბირთვზე. მომდევნო 2 შეხვედრა ბევრს რამეს დაგვანახებს, იმედი მაქვს 100% შედეგი გვექნება.“