ვისენტე დელ ბოსკემ არგენტინასთან მატჩის წინ პრესკონფერენცია გამართა.

ყველანი იმდენად გაერთეთ ესპანური ფეხბურთის ასი წლის იუბილეს აღნიშვნით, რომ დაგავიწყდათ მეტოქე არგენტინის ნაკრები...

იმედი მაქვს ამის გამო არ დაგვზრახავენ. ჩვენ გველის არგენტინის ნაკრები – მსოფლიო ჩემპიონი და უდიდესი ისტორიებისა და ტრადიციების მქონე ნაკრები. მე არ ველი ადვილ გასეირნებას, პირიქით.

ეს მატჩი კასილასისთვის იქნება მეასე ნაკრების რიგებში. კარგი იქნებოდა სასტარტო შემადგენლობაში ეთამაშა...

ჰა, ჰა... იკერი ყველანაირად სამაგალითოა. ის ლიდერი და საუკეთესო კაპიტანია. მე ვამაყობ, რომ მასთან ერთად ავღნიშნავ ამ დღეს. ვიცი, რომ ის არ იქნება ერთადერთი, რომელიც გადალახავს ას მატჩიან მაჩვენებელს.

გულშემატკივრები ეიფორიაში არიან. ისინი ნაკრებს ბოლომდე გულშემატკივრობენ...

ეს ჩვენ უფრო მოტივირებულს გვხდის. მეც ოპტიმისტურად ვარ განწყობილი, მაგრამ მოთმინება გვმართებს. მსურს გუნდი ერთიანი იყოს. მუდამ უნდა მოვთოკოთ ემოციები. ყოველდღე ამაზე უნდა ვიფიქროთ. უნდა გვქონდეს უფრო დიდი სურვილი გამარჯვებების მიღწევისა. ისე არ უნდა ვიფიქროთ, რომ დაუმარცხებელნი ვართ. სიფრთხილე გვმართებს.

ეს თამაში არ ჰგავს ამხანაგურს...

მათ გაიარეს მძიმე საკვალიფიკაციო ეტაპი და ახლა მსოფლიო ჩემპიონატზე ერთ–ერთი ფავორიტის რანგში მიემგზავრებიან. კალენდარი არ გვაძლევს ბევრი მატჩის ჩატარების საშუალებას. ამიტომ ყველა შეხვედრაში მაქსიმალურად უნდა დავიხარჯოთ. რა თქმა უნდა იქნება დაძაბული შეხვედრა. ორივე გუნდი ბოლომდე იბრძოლებს. არგენტინელებს ჰყავთ თერთმეტი ან თორმეტი ფეხბურთელი, რომლებიც დაკავშირებულნი არიან ესპანურ ფეხბურთთან და ეს მათ აძლევს დამატებით სტიმულს. ისინი პატრიოტები არიან და ნაკრების გულისთვის ბოლომდე იბრძოლებენ.

მარადონამ ხავი შეაქო...

მე არ მაკვირვებს ეს. ხავი – ეს ის ფეხბურთელია, რომელიც უნდა შეაქო. მან იცის კლუბის ფასი, რომელიც მას არაჩვეულებრივს ხდის. ის ბევრ წელს ატარებს მსოფლიო ფეხბურთში, აჩვენებს უმაღლეს კლასს და მისგან უნდა ავიღოთ მაგალითი, როგორც კლუბში, ასევე ნაკრებში. მას უყვარს ფეხბურთი, საუკეთესო ფეხბურთი.

რას მოუტანს ნაკრებს ხესუს ნავასი?

ის კარგი, საჭირო ფეხბურთელია, რომელიც შესანიშნავად მოქმედებს მოედანზე და იღებს სწრაფ გადაწყვეტილებებს. ის ძალიან დიდ დახმარებას გაგვიწევს.


ინფორმაციის წყარო: As.com