დღეს ბრაზილია ინგლისის ნაკრებს დაუპირისპირდება. "პენტაკამპეონთა" ვარსკვლავმა კაკამ ისაუბრა იმის შესახებ, რომ შესაძლო იყო გასულ ზამთარს გადასულიყო "მანჩესტერ სიტიში", მაგრამ აღმოჩნდა მადრიდის "რეალში" და ამით ძალიან ბედნიერია.

გარი კუკი, ინგლისური კლუბის წარმომადგენელი ბევრჯერ იმყოფებოდა იტალიაში, რათა შეხვედროდა "მილანის" ხელმძღვანელობას. "სიტის" ხელმძღვანელობა მილანურ კლუბს 200 მლნ. ევროს სთავაზობდა კაკას შესაძენად, მაგრამ თავად რიკარდომ განაცხადა უარი ინგლისში გადასვლაზე.

კაკა ორი რამის გამოა გახარებული. პირველი – უარყო "სიტის" წინადადება და მეორე – "რეალის" ფეხბურთელია. "ბედნიერი ვარ, რომ არ გავაფორმე კონტრაქტი "სიტისთან" და ახლა ვარ მადრიდის "რეალის" ფეხბურთელი".

ბრაზილიელმა ფეხბურთელმა დაამატა: "რობინიო ბევრს მესაუბრებოდა მანჩესტერულ კლუბზე, მის დადებით მხარეებზე, მაგრამ ახლა "რეალის" ფეხბურთელი ვარ და არჩევანით ძალიან ბედნიერი ვარ. არ ვნანობ ჩემს გადაწყვეტილებას".


ინფორმაციის წყარო: Defensacentral.com