მუნდიალის საკვალიფიკაციო ეტაპზე შესრულებული ჰეთ-თრიქის შემდეგ, კრიშტიანუ რონალდუმ დასძინა, რომ თამაშისთვის 100 პროცენტით მზად არ იყო.

„ნაკრების რიგებში პირველად მოვახერხე 3 გოლის გატანა, რაც ძალზედ გამიხარდა.ბუნებრივია, ადრე თუ გვიან, შევძლებდი ეუსებიოს მიღწევის დამხობას და ამით ვამაყობ.“

„ჩრ.ილანდიასთან მატჩამდე ტკივილების გამო რამდენიმე ვარჯიშის გაცდენა მომიხდა და ამიტომაც, 100 პროცენტით მზად არ ვიყავი, თუმცა მწვანე მინდორზე თავი არ დამიზოგავს და როგორც ყოველთვის, მაქსიმუმი გავიღე.“

„პირველი ტაიმი მძიმე გამოდგა ჩვენთვის, თუმცა შესვენებაზე მწვრთნელთან საუბრის შემდეგ, მატჩში გარდატეხა შევიტანეთ.“

„გუნდმა მნიშვნელოვანი ქულები ჩაიწერა სატურნირო ცხრილში.ჩვენ მეორე პოზიციაზე ვიმყოფებით და დიდი იმედია მაქვს, რომ საკვალიფიკაციო ეტაპის დასრულებამდე, ლიდერობასაც მოვირგებთ.ჩვენი მიზანია 2014 წლის მუნდიალზე მონაწილეობის მიღება.“

marca.com