გთავაზობთ ზაფხულის ყველაზე ცხელ ტრანსფერებს.

სათქმელი საკმაოდ ბევრია, რადგან წინა წლებთან შედარებით გუნდებმა სუპერ აქტიურობა გამოიჩინეს. წინა სამ სეზონთან შედარებით, მადრიდის ''რეალი'' ყველასგან გამოირჩა. ყველაზე მეტი დახარჯა და ყველაზე მეტი გამოიმუშავა ფეხბურთელების გაყიდვით.

1
არავის გაუკვირდება, ის ფაქტი, რომ ამ ზაფხულის ყველაზე გახმაურებული ტრანსფერი გარეტ ბეილია. მისი საგა რამდენიმე თვე გაგრძელდა, საბოლოოდ კი მასში სარეკორდო თანხა გადაიხადეს. ზუსტად დღესაც არ დასტურდება თუ რამდენი, მაგრამ ცნობილია, რომ 90-100 მილიონ ევრომდე.

2
ჩვენი სიის მეორე ადგილს ნეიმარი იკავებს. მსგავსად ბეილისა, მისი ტრანსფერიც ძალიან გაიწელა დროში. საბოლოოდ კატალონიელებმა საწადელს მიაღწიეს და უნიჭიერესი ბრაზილიელი 57 მილიონ ევროდ გაიფორმეს.


3
მესამე ადგილს იკავებს ედისონ კავანი. ყველასგან მოულოდნელად უნიჭიერესმა ურუგვაელმა უცნაური გადაწყვეტილება მიიღო და კარიერა ''პსჟ''-ში გააგრძელა, როცა მას ევროპული ფეხბურთის გრანდები ეპატიჟებოდნენ.


4
მეოთხე ადგილს იკავებს მესუთ ოზილი. ''რეალის'' გულშემატკივარს ჯერაც ვერ მოუნელებია მისი წასვლა. ეს ყველასგან მოულოდნელად მოხდა. ამ ზაფხულის სატრანსფერო პერიოდის ბოლო დღის ყველაზე გახმაურებული ნიუსი. ოზილი ''არსენალის'' ფეხბურთელია.


5
რადამელ ფალკაო. მადრიდის ''რეალიც'' ცდილობდა მის შეძენას, თუმცა კოლუმბიელმა ფორვარდმა საბოლოოდ ბინა მონაკოში დაიდო.


6
ისკო მადრიდის ''რეალისთვის'' მართლაც, რომ ოქროს შენაძენი გამოდგა. უნიჭიერესი ესპანელი საოცრად შეეწყო გუნდს და შეიძლება ითქვას, რომ ნახევარდაცვის ლიდერიც გახდა. პირადად ჩემი აზრით, ისკო ამ წლის საუკეთესო ტრანსფერია.



7
გონსალო იგუაინის სახით, ''ნაპოლი'' ძალიან გაძლიერდა. პიპიტა უკვე იქცა ნეაპოლელთა ლიდერად, ეჭვი არავის ეპარება, რომ იგი დიდ წარმატებებს მიაღწევს იტალიაში.


8
პირადად პეპ გვარდიოლას მოთხოვნით, ''ბაიერნმა'' მარიო გიოტცე 37 მილიონ ევროდ გაიფორმა.




9
კარლოს ტევესი ''იუვემ'' 10 მილიონ ევროდ გაიფორმა და დელ პიეროს ათნომრიანი მაისურიც უბოძა.


10
ცოტა არ იყოს დიდი თანხა გადაიხადა ლონდონის ''ტოტენჰემმა'' ''რეალის'' მხრიდან მრავალჯერ დაწუნებულ სოლდადოში. ეპსანელი ინგლისელებმა 30 მილიონ ევროდ შეიძინეს.