სანტი კასორლას განცხადებით ლონდონის არსენალის ხელმძღვანელობამ მესუთ იოზილის სახით მსოფლიო დონის ნახევარმცველი შეიძინა, რომელიც ინგლისურ კლუბს ძალიან გამოადგება...

„ყოველთვის ვთვლიდი და ახლაც ასე ვფიქრობ, რომ მესუთი გაცილებით უფრო პროდუქტიული იქნება პრემიერ ლიგაში, ვიდრე ესპანეთის პრიმერა დივიზიონში, მას სწორედ ინგლისური ელფერი აქვს და აქ დიდ წარმატებას მიაღწევს, მითუმეტეს არსენ ვენგერთან მუშაობა ძალიან მარტივი და სასიამოვნოა, ამ მწვრთნელს საოცარი თვისებები აქვს, რომელიც ფეხბურთელებს პოტენციალის გამოვლენაში ეხმარება.“

„ყველას გაგვიხარდა გერმანელის გადმოსვლა, ის მართლაც მნიშვნელოვან დამატებით ძალას შემოიტანს გუნდში, ჩვენ მას ოვაციებით დავხვდებით და ადაპტაციის გავლაში დავეხმარებით, არსენალში მართლაც რომ დიდი ფეხბურთელი ჩაირიცხა.“