"მეთოფეების" გეგმები სატრანსფერო ფანჯრის ბოლო დღეს, თითქმის დაიმსხვრა.

როგორც ბრიტანული ტაბლოიდი იტყობინება, გუშინ საღამოს, როდესაც "არსენალი", "რეალი" და გერმანიის ერვნული ნაკრების ნახევარმცველი, მესუთ ოზილი ტრანსფერის სააბოლოო, ძირითად დეტალებს აგვარებდნენ, "პარის სენ-ჟერმენმა" 24 წლის ნახევარმცველის ტრანსფერზე შეთავაზება გააკეთა და ძალიან ახლოს იყო, წარმატების მიღწევასთან.

პარიზელები მზად იყვნენ "ბლანკოსისთვის" 42 მილიონი ფუნტი გადაეხადათ, იმდენი რამდენიც "არსენალმა" გადაიხადა ოზილში, მაგრამ "პსჟ" თავად ფეხბურთელს გაცილებით დიდ ხელფასს სთავაზობდა, ვიდრე 140 000 ფუნტი კვირაში, რომელიც მოთამაშის ხელფასი იქნება "ემირეითს სტეიდიუმზე".

თუმცა, ბოლო მომენტში ოზილმა გადაწყვიტა არ შეეცვალა უკვე მიღებული ძირითადი გადაწყვეტილება, "მეთოფეების" მთავარი მწვრთნელის, არსენ ვენგერის დაჟინებული მოთხოვნა, რომელიც ნახევარმცველით ჯერ კიდევ მაშინ ინტერესდებოდა, როდესაც მესუთი "ვერდერის" ფეხბურთელი იყო.