ფლორენტინო პერესმა კლუბში 24 წლამდე ფეხბურთელების მოსაყვანად 172 მლნ. ევრო დახარჯა.

"მადრიდის რეალმა" არამარტო შეცვალა მწვრთნელი, არამედ სხვადასხვა ფეხბურთელებიც გაუშვა კლუბიდან. კლუბის ახალწვეულები არიან ახალგაზრდები და უდიდესი პოტენციალის მქონეები, მაგრამ მათ გადმოსაყვანად კლუბმა დიდი თანხა დახარჯა, მიახლოებით 172 მლნ. ევრო (91 მლნ. ბეილში, 39 მლნ. ილარამენდიში, 30 მლნ. ისკოში, 6,5 მლნ. კარვახალში და 6 მლნ. კასემიროში).

მიმდინარე სეზონში "მადრიდის რეალის" სატრანსფერო პოლიტიკასა და მისი წინა წლების სატრანსფერო პოლიტიკას შორის უზარმაზარი სხვაობაა. ფლორენტინო პერესმა აქტიურობა ესპანურ ბაზარზე გადაწყვიტა, სადაც მან იპოვა ისკო, რომელიც "მალაგადან" 30 მლნ. ევროდ შეიძინა და ილარამენდი, რომელიც მან "რეალ სოსეიდადიდან" იყიდა 39 მლნ. ევროდ.