ალფრედო რელანოს აზრი "მადრიდის რეალში" მიმდინარე მოვლენებზე

ისკოს დიდებული სტარტი "მადრიდის რეალში" გრძელდება. მან კიდევ ორი გოლი გაიტანა კვირას და დიდი როლი შეასრულა "ბილბაოს ატლეტიკის" ძლევაში. ისე ჩანს, რომ ყოველივე ამან და ასევე გარეთ ბეილის მოსვლავ "მადრიდის რეალში" აიძულა მესუთ იოზილი და კაკა დაეტოვებინათ კლუბი. "ატლეტიკის" წინააღმდეგ კარიმ ბენზემა კვლავ ძველებურად თამაშობდა: თითქოს არაფერი არ ხდება მოედანზე. მას, როცა მოედანს ტოვებდა ბერნაბეუს პუბლიკამ დაუსტვინა, მიუხედავად იმისა, რომ ორი გოლის გატანაში თავისი წვლილი შეიტანა. თუ "ბერნაბეუ" მის წინააღმდეგ ამხედრდა და ასეც ხდება, მას ძალიან გაუჭირდება ფორმაში ჩადგომა და კარგი თამაშის ჩვენება. მისმა შემცვლელმა ხესე როდრიგესმა აჩვენა ის ენერგია, რომელიც მოედანზეა საჭირო და რომელიც კარიმს აკლია.

კრიშტიანო რონალდუმ გაიტანა, მაგრამ თამაშის გმირი ლუკა მოდრიჩი იყო-მთავარი მამოძრავებელი ძალა ნახევარდაცვაში. ის უკან იგებდა თითქმის ყველა ორთაბრძოლას და მაშინვე იწყებდა შეტევას. ესაა იმ ადამიანის მაგალითი, რომელიც ამართლებს ნდობას. როცა ის მოვიდა, მან ვერ შეძლო თავისი ადგილის დამკვიდრება. დღეს კი მან მოახერხა ის, რასაც აკეთებს, ცუდი სეზონიდან კარგისკენ მიდის და თავის სტატუსს იმყარებს. ეხლა, როცა ხაბი ალონსო და ასიერ ილარამენდი ტრავმირებულნი არიან, ის ხელშეუხებელია კლუბში. ხარისხი შრომისა და მონდომების გარეშე თავისით არ მოვა.