20 ნოემბერს მადრიდში სპეციალურ ცერემონიაზე ევროპული საფეხბურთო კავშირი წარმოადგენს ჩემპიონთა ლიგის ვიზუალური გაფორმების კონცეფციას.

ცერემონია ევროპული დროით 12:30 წუთზე დაიწყება ესპანეთის საფეხბურთო ფედერაციის მისაღებში, რომელიც ლუის არაგონესის სახელს ატარებს. "სანტიაგო ბერნაბეუ" სამჯერ მასპინძლობდა ევროპული თასების ფინალს, მაგრამ მას შემდეგ, რაც ევროპის ყველაზე პრესტიჟულ ტურნირს ჩემპიონთა ლიგა დაერქვა, ეს პირველად მოხდება. ფინალი შედგება 2010 წლის 22 მაისს. პირველად ის დაინიშნა შაბათ დღეს, რათა ოჯახებმა და ბავშვებმაც შეძლონ თამაშის ყურება.

ცერემონიას დაესწრებიან ფინალის ელჩი და ესპანეთის ნაკრების ექს–ფორვარდი ემილიო ბუტრაგენიო, ესპანეთის საფეხბურთო ფედერაციის პრეზიდენტი და უეფას საშემსრულებლო კომიტეტის ვიცე–თავმჯდომარე ანხელ მარია ვილიარ ლიონა და უეფას დირექტორი ჯორჯო მარკეტი.



ვიზუალური გაფორმების კონცეფცია სპეციალურად შემუშავდა მადრიდული ფინალისათვის. "ახალი დიზაინი და ლოგოტიპი 2010 წლის ფინალს უნიკალურს ხდის. ისინი აღნიშნული იქნება ყველა სარეკლამო ელემენტზე – ბილეთებიდან დაწყებული ინტერნეტში სარეკლამო ბანერებით დასრულებული. ჩვენი მიზანია – ფინალისადმი ინტერესი გავზარდოთ და პრესტიჟი ავუმაღლოთ ერთ–ერთ ყველაზე პრესტიჟულ ტურნირს მსოფლიოში" – განაცხადა უეფამ პარასკევს.


ინფორმაციის წყარო: Uefa.com