ფლორენტინო პერესის სრული სიტყვა პრეზენტაციისას.

"მადლობა ყველა თქვენგანს ამ ღონისძიებაზე დასწრებისთვის და იმისთვის, რომ ხართ ნაწილი იმისა, რასაც 111 წლიანი ლეგენდის ისტორია ქვია. ისტორია და ლეგენდა, რომელიც შეიქმნა და აქამდე მოვიდა მონდომებით, ნიჭით, თავდაუზოგავი შრომით და პატივისცემით და ჩვენმა ფეხბურთელებმა უნდა იცოდნენ, რომ ესაა ის, რაც ამ კლუბისთვის და მისი გულშემატკივრებისთვის უნდა გაიღო.

პირველ რიგში მინდა გავიხსენო ადამიანი, რომელიც წლების მანძილზე ატარებდა ამ მაისურს და რომელმაც ამ დღეებში დატოვა კლუბი და თითოეული ჩვენგანი. მინდა მოვიგონო ისიდრო სანჩესი, რომელიც "მადრიდის რეალის" ერთ-ერთი ლეგენდის კიკე სანჩეს ფლორესის მამა იყო. ჩემი სიყვარული და მხადაჭერა მას და მის ოჯახს. მინდა ყველას აპლოდიმენტები გთხოვოთ მის საპატივცემლოდ.

ჩვენ დღეს "მადრიდის რეალის" ოჯახში ვღებულობთ ფეხბურთელს, რომელსაც ნათელი წარმოდგენა აქვს ამ კლუბის ღირებულებებზე. ფეხბურთელს, რომელიც წინა წელს პრემიერ ლიგის საუკეთესო ფეხბურთელად აღიარეს. ახალგაზრდა ფეხბურთელს, მაგრამ დიდი ნიჭის და კვალიფიკაციის მქონეს, რომელიც იყო სპორტის ამ სახეობაში და რომელიც დღეს თავისი ბავშვობის ოცნებას ისრულებს, ითამაშებს რა "მადრიდის რეალში".

მოლაპარაკებები საკმაოდ ხანგრძლივი და რთული იყო, მაგრამ მადლობა "ტოტენჰემს" , რომელმაც მოგვცა საშუალება მსოფლიოში ერთ-ერთი საუკეთესო ფეხურთელი შეგვეძინა. ის ეხლა ჩვენთანაა, იმისთვის, რომ იყოს კლუბის ნაწილი. მე მინდა განვაცხადო, რომ მისი მონდომება, მოწოდება, დამოკიდებულება და ნიჭი აუცილებელი იყო ამ ეტაპზე "მადრიდის რეალისთვის". გარეთ , მინდა გითხრა, რომ ის , რაზეც შენ ბავშვობაში ოცნებობდი, დღეს აგისრულდა.

ესაა კლუბი, სადაც მხოლოდ უდიდესი მოთხოვნებია. ჩვენ გულშემატკივრებს მხოლოდ მაქსიმალური ჭირდებათ შენგან, მაგრამ იცოდე, რომ აქ სიყვარულის გაცემაც იციან. მათ უნდათ, რომ შენ საუკეთესო ფეხბურთელი იყო. "მადრიდის რეალში" მუდმივად არსებობს გამოწვევები, გამარჯვების შემდეგაც კი, მაგრამ არასოდეს დაივიწყო, რომ ბევრი დიდებული და ლეგენდარული ფეხბურთელი იყო ამ კლუბის ნაწილი. ეხლა შენც მისი ნაწილი ხარ.

სანტიაგო ბერნაბეუს მიერ შექმნილი მოდელი კვლავ მოქმედებს და კვლავ იზიდავს მსოფლიოს საუკეთესო ფეხბურთელებს, ვინაიდან ეს ერთ-ერთი მიზეზია იმისა, თუ რატომაც გავხდით ჩვენ უეფას ვერსიით 20-ე საუკუნის საუკეთესო კლუბი.

გარეთ, შენ უნდა დაგვეხმარო ამ კლუბის ლეგენდა უფრო დიდი და ძლიერი გავხადოთ. ეს შენი გამოწვევაა, ეს შენი მაისურია, ეს შენი მოედანია, ეს შენი გულშემატკივრები არიან. დაწყებული დღეიდან, ეს შენი სახლი და შენი ოჯახია. ახალი გამოწვევების, ისტორიის, ემოციების დროა. გარეთ ბეილ, მადლობა მოსვლისთვის. კეთილი იყოს შენი მობრძანება შენს სახლში, კეთილი იყოს შენი მოსვლა "მადრიდის რეალში"."