"სპურსს" სატრანსფერო კამპანია ჯერ კიდევ არ დაუსრულებია.

როგორც Goal.com იტყობინება, სატრანსფერო ფანჯრის დახურვამდე "ტოტენჰემი" კიდევ ერთი ტრანსფერის განხორციელებას ცდილობს. ლონდონელები მადრიდის "რეალის" პორტუგალიელი მარცხენა მცველის, ფაბიუ კოენტრაუს შეძენას ცდილობენ.

მანამდე ვარაუდობდნენ, რომ 25 წლის მცველი "სპურსის" ნახევარმცველის, გარეთ ბეილის ტრანსფერში ჩართული იქნებოდა, მაგრამ საბოლოო ჯამში, უელსელი მხოლოდ ნაღდი ანგარიშსწორებით ეწვევა "ბლანკოსს". ანდრე ვილაშ-ბოაში ფაბიოში 17.5 მილიონი ევროს გადახდას გეგმავს.

მარცხენა მცველს ამ სეზონში მადრიდის "რეალის" მატჩებში მონაწილებოა არ მიუღია და მას სურს მადრიდის დატოვება, იმ იმედით, რომ ის რეგურალურ სათამაშო პრაქტიკას მიიღებს.

შეგახსენებთ, რომ გუშინ "ტოტენჰემმა" ოფიციალურად გაიფორმა კრისტიან ერიკსენი, ერიკ ლამელა და ვლად ჩირიჩესი, მანამდე ლონდონელებმა ასევე შეიძინეს რობერტო სოლდადო, ნასერ ჩადლი, პაულინიო და ეტიენ კაპუ.