როგორც იცით, გუშინ, შევიცარიაში ევროპის 2013 წლის საუკეთესო ფეხბურთელი გამოავლინეს.

მოგეხსენებათ, აღნიშნულ ნომინაციაზე რიბერისთან და მესისთან ერთად, რონალდუც იყო წარდგენილი, თუმცა პორტუგალიელმა „დეპორთან“ ამხანაგური შეხვედრის გამო ვერ მოახერხა ნიონში ჩასვლა და გამართულ ცერემონიაზე დასწრება.

თავის მხრივ აღნიშნულ ფაქტზე კომენტარი გააკეთა მიშელ პლატინიმ: „ამბობენ, კრიშტიანუ იმიტომ არ ჩამოვიდა, რომ იცოდა წააგებდაო, თუმცა ეს სიმართლეს არ შეესაბამება.ის კლუბთან ერთად იმყოფება ლა-კორუნიაში.“

„უეფას“ პრეიზდენტი ბეილის ტრანსფერსაც გამოეხმაურა: „რა განსხვავებაა ერთ ფეხბურთელში 90 მილიონის გადახდასა და 3 მოთამაშეში 30-30 მლნ. გადახდას? ვფიქრობ, არანაირი.დიდ ტრანსფერებს ყოველთვის მოსდევს ხმაური.თუ კლუბს შეუძლია ასტრონომიული თანხის გადახდა, დაე, გადაიხადონ.“

marca.com