მადრიდის "რეალის" ვიცე პრეზიდენტმა ფერნანდო ტაპიასმა აღიარა, რომ კლუბს გარკვეული პრობლემები შეექმნა "ტოტენჰემის" ნახევარმცველი, გარეთ ბეილის ტრანსფერთან.

"დიახ, ჩვენ გვქონდა გარკვეული პრობლემები მის ტრანსფერთან", - ციტირებს ტაპიასის სიტყვებს Reuters. "ჩვენ ველოდით, რომ გარეთი კლუბს უკვე ხუთშაბათს შეუერთდებოდა და მისი დებიუტი ამხანაგურ მატჩში "დეპორტივოს" წინააღმდეგ შედგებოდა, მაგრამ ეს ასე არ მოხდა. მოდით, უბრალოდ ცოტა კიდევ დავიცადოთ. ჩვენ ძვირადღირებულ ტრანსფერს ვანხორციელებთ. ეჭვი არ მეპარება, რომ უელსელი გადმოვა."

აღსანიშნავია, რომ ბრიტანული მედიის ინფორმაციით, 24 წლის ნახევარმცველი "სამეფო კლუბს" 100 მილიონი ევრო დაუჯდება, რაც მას ყველაზე ძვირადღირებულ ფეხბურთელს გახდის მსოლფიო ფეხბურთის ისტორიაში.