2 თვის წინ, ანხელ დი მარიამ ხაზგასმით განაცხადა, რომ სამეფო კლუბის დატოვებას არ აპირებს.

მიუხედავად იმისა, რომ ფეხბურთელის შესაძლებლობებით რამდენიმე ევროპული გრანდია დაინტერესებული, არგენტინელი აზრის შეცვლას არ აპირებს.მან კარგად იცის, რომ ბეილის გამადრიდელებით, მისი ყოფა გართულდება, თუმცა ის მზადაა ნებისმიერი გამოწვევისთვის და ეს „გრანადასთან“ მატჩშიც დაამტკიცა.

ალბათ, დამეთანხმებით, რომ „ნუევო ლოს კარმენესზე,“ დედაქალაქელების რიგებიდან, ერთ-ერთი ყველაზე პროდუქტიული სწორედ ანხელი გახლდათ, რომლის აქტიურობამაც ერთადერთი გოლი მოიტანა.

ფეხბურთელის კლუბში დარჩენა, კარლო ანჩელოტის ინტერესებშიც შედის: „ბეილის მოსვლის შემთხვევაშიც, მინდა, რომ დი მარია შევინარჩუნოთ“ - დასძინა იტალიელმა რამდენიმე კვირის წინ.