სიახლეები "რეალ მადრიდ კასტილიიდან"...

კიკო ფემენია უახლოეს დღეებში შეიძლება "კასტილიის" ფეხბურთელი გახდეს. გუშინ "ბარსელონამ" ოფიცილურად გაწყვიტა კონტრაქტი ნახევარმცველთან, რომლის ხელშეკრულებაც მომავალი წლის ზაფხულში იწურებოდა. ამდენად, ფემენია "თეთრების" ფილიალში თავისუფალი აგენტის სტატუსით გადავა.

ფემენია "ბარსელონაში" 2011 წელს "ერკულსეიდან" 2 მილიონ ევროდ გადავიდა. იგი მიიჩნევდნენ, რომ კიკო შეიძლებოდა "ბლაუგრანას" პირველი გუნდის ფეხბურთელი გამხდარიყო, თუმცა 2 წლის განმავლობაში ფეხბურთელმა "ბარსელონას" პირველ გუნდში მხოლოდ ამხანაგურ მატჩებში ითამაშა. 22 წლის კიკომ გაიტანა 6 გოლი 62 მატჩში.

O Glob-სთან მიცემულ ინტერვიუში ფეხბურთელის აგენტმა გელსონ ონდებურგმა განაცხადა, რომ მადრიდის "რეალი" "ფლუმენენსეს" ფორვარდით სამუელ როზათი ინტერესდება. მადრიდის "რეალს" როზას არენდით აყვანა სურს "კასტილიისთვის" ერთი სეზონით, თუმცა შემდეგ 22 წლის თავდამსხმელ გამოისყიდის, თუ კარგად ითამაშა მადრიდის მეორე გუნდში.

თუმცა, ოლდენბურგმა ასევე განმარტა: "ფლუმენენსე" შიშობს, რომ სამუელი არენდით წავა. ასეთ შემთხვევაში კლუბი ფულსაც და ფეხბურთელსაც დაკარგავს ერთი წლით. აქედან გამომდინარე, "ფლუ" არ აპირებს როზას არენდით გაშვებას და თუ ყიდიან, ის ღირსეულ თანხად უნდა გაყიდონ."