"ლივერპული" სუარესს "რეალში" არ გაყიდის
ინგლისური კლუბი მზად არის "ბლანკოსის" ყველა შეთავაზება დაბლოკოს.
ბრიტანული პრესა იტყობინება, რომ "რეალი" "ლივერპულისთვის" ახალ წინადადებას ამზადებს, ლუის სუარესის ტრანსფერზე, მაგრამ "წითლები" მტკიცე უარზე არიან სუარესის გაშვებაზე.
"ლივერპულის" მთავარმა მწვრთნელმა ბრენდ როჯერსმა კიდევ ერთხელ განაცხადა, რომ ლუისი კარიერას "ანფილდზე" გააგრძელებს და რომ ურუგვაელი თავდამსხმელის გარშემო "ლივერპული" ახალ გუნდს ააშენებს.
"ამ მოენტში, მოლაპარაკებები სუარესის ტრანსფერზე შეუძლებელია. ახლა ჩვენ ვგეგმავთ ერთი ან ორი მაღალი ხარისხის ფეხბურთელის შეძენას."
"თუ ჩვენ ლუისს ამ ეტაპზე დავკარგავთ, მისი ჩანაცვლება ძნელი იქნება. რამდენიმე თვის წინ, შეიძლებოდა მისი გაშვება, მაგრამ ამ დროისთვის ეს შეუძებელია, რადგან სატრანსფერო ფანჯრის დასრულებამდე 11 დღე დარჩა. ძალიან მოკლე პერიოდში მისი ჩანაცვლება მეტად რთულია", - განაცხადა როჯერსმა.
შეგახსენებთ, რომ "ტოტენჰემის" უელსელი ვინგერის გარეთ ბეილის ტრანსფერი მადრიდის "რეალში" მალე ოფიციალურად დადასტურდება. სხვადასხვა წყაროების ინფორმაციით, მადრიდელები სუარესის შეძენის მცდელობას ხელიდან არ უშვებენ და მისთვის სატრანსფერო ფანჯრის დასრულებამდე იბრძოლებენ.
- 23 აგვისტო 2013
- 1 983
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
