მოგეხსენებათ , ჩაბი ალონსო ტრავმირებულია, იგი მოედანს მინიმუმ 3 თვის მანძილზე ვერ დაუბრუნდება, რაც არ უნდა სამწუხარო იყოს ბასკი მოთამაშე ტრავმებმა დატანჯა...

Defensacentral-ის ინფორმაციით კარლო ანჩელოტიმ შესაძლოა კიდევ ერთი ტრანსფერი გაჩარხოს. სამეფო კლუბი დიდი ხნის მანძილზე იყო დაინტერესებული სევილიელი ნახევარმცველის, ჟოფრე კონდოგბიას შეძენით, თუმცა შემდეგ გუნდმა ილიარამენდი შეიძინა და საუბრებიც ჩაცხრა.

ფაქტი ფაქტად რჩება, ალონსომ შესაძლოა 2014 წლამდე ვერ დადგას მინდორზე ფეხი, რადგან მინიმუმ 3 თვე იგი მოედანზე ვარჯიშსაც ვერ შეძლებს, შემდეგ კი უნდა დაიწყოს კონდიციის აღდგენის პროცესი, რასაც არც ისე პატარა დრო სჭირდება.

ზემოაღნიშნულიდან გამომდინარე, სამეფო კლუბმა შესაძლოა მისი გაშვების გადაწყვეტილება მიიღოს, მითუმეტეს ბასკის შეძენით რამდენიმე კლუბია დაინტერესებული, ყველაზე დიდ სურვილს კი ლივერპული გამოხატავს, სწორედ ამ გუნდიდან შეიძინა ფლორენტინო პერესმა ჩაბი.

გავრცელებული ინფორმაციით ჩაბის წასვლის შემთხვევაში რეალი თავიდან ბოლომდე გადაერთვება კონდოგბიას ტრანსფერზე, რადგან ილიარამენდიც აღდნგენით პროცესს გადის, რომლის დასასრული ჯერ-ჯერობით უცნობია, ანჩელოტის ჟოფრეს საწინააღმდეგო არაფერი აქვს, მისი ტრანსფერზე იტალიელს უარი არ განუცხადებია.