იკერი არსად წასვლას არ აპირებს.

"თეთრების" კაპიტანი იკერ კასილასი, კლუბის დატოვებას არ აპირებს, ყოველ შემთხვევაში უახლოეს მომავალში.
ესპანური გამოცემა AS-ის ინფორმაციით, კასილასი გააგრძელებს ბრძოლას ძირითადი ადგილისთვის დიეგო ლოპესთან და არ არის განაწყენებული კარლო ანჩელოტიზე იმ ფაქტით, რომ მან ის ლა ლიგის პირველი ტურის მატჩში "ბეტისის" წინააღმდეგ სათადარიგო სკამზე დატოვა. იკერი მიიჩნევს, რომ აღინშნული გადაწყვეტილება მხოლოდ სპორტულია.
გასული სეზონისგან განსხვავებით, როდესაც მოურინიომ საბოლოოდ გადაწყვიტა იკერის სათადარიგო სკამზე დასმა, ამ სეზონში სრულიად განსხვავებული სიტუაციაა, მიუხედავად იმისა, რომ მან არ ითამაშა ესპანეთის ჩემპიონატის პირველ მატჩში, მაგრამ ანჩელოტის მისი იმედი აქვს.
თუმცა, იკერის წასვლის ერთადერთი მიზეზი შეიძლება გახდეს მისი სურვილი მსოფლიო ჩემპიონატზე თამაშისა, რომელიც გაიმართება ბრაზილიაში და თუ რამდენიმე თვეში ლოპესი კვლავ ძირითადი მეკარე იქნება, ამით კასილასის გუნდიდან წასვლის ალბათობა გაიზრდება.