მადრიდის "რეალის" პორტუგალიელ ნახევარმცველ კრისტიანო რონალდოს იმედი აქვს, რომ შეძლებს "ბარსელონასთან" თამაშს.

ტრავმირებულმა ფეხბურთელმა გამოხატა სურვილი დაეხმაროს პორტუგალიის ნაკრებს პირველ მატჩში ბოსნიის ნაკრების წინააღმდეგ.

"მე ვუგულშემატკივრებ მეგობრებს ნაკრებში. დარწმუნებული ვარ მსოფლიო ჩემპიონატის საგზურს მოვიპოვებთ" – განაცხადა რონალდომ Marca-თან.

24 წლის ვარსკვლავი გახდა მიზეზი კონფლიქტისა, რომელიც მძვინვარებს "რეალსა" და პორტუგალიის საფეხბურთო ფედერაციას შორის. "სამეფო კლუბს" სურდა რონალდო დარჩენილიყო მადრიდში და არ ეთამაშა ბოსნიის ნაკრების წინააღმდეგ. მათ სურდათ კრისტიანოს ყურადღება გაემახვილებინა ტრავმაზე და მალე გამოჯანმრთელკებულიყო.

რონალდოს იმედი აქვს, რომ 29 ნოემბრისთვის "ბარსელონასთან" მატჩისთვის მწყობრში იქნება.

"ვფიქრობ, უფრო ადრეც შევძლებ თამაშს. "ბარსელონასთან" მატჩი ჩვენთვის ძალიან მნიშნელოვანია, მაგრამ მე მსურს უფრო ადრე გამოვჯანმრთელდე. მოუთმენლად ველი იმ დღეს, როცა მოედანზე დავბრუნდები. ძალიან მსურს თამაში. ყველაფერი გეგმის მიხედვით მიმდინარეობს. სირბილიც დავიწყე და იმედი მაქვს მომავალ კვირაში გუნდთან ერთად ვიქნები" – განაცხადა პორტუგალიელმა ვარსკვლავმა.


ინფორმაციის წყარო: Goal.com