გასულ სეზონში ბენზემამ გულშემატკივრებს თავი ცუდი თამაშით დაამახსოვრა და რასაც მისგან ელოდნენ ვერ შეასრულა. გუშინდელ მატჩში კი ფრანგმა ფორვარდმა გოლის გატანა მოახერხა, მაგრამ ფანები მაინც უკმაყოფილონი იყვნენ და თვიანთი დამოკიდებულება სტვენით გამოხატეს.

როდესაც ანჩელოტიმ ბენზემას ნაცვლად მორატას შემოყვანა გადაწყვიტა გულშემატკივრებმა სტვენა ატეხეს და აჩვენეს ფრანგ ფორვარდს, რომ მადრიდის რეალში თამაში და გოლის გატანა საკმარისი არ არის მადრიდისტების გულის მოსაგებად.

რაც შეეხება ალვარო მორატას, გულშემატკივრებმა ის ძალიან თბილად მიიღეს და მხურვალე აპლოდისმენტებითა და შეძახილებით დააჯილდოვეს 21 წლის ფორვარდი, რომელსაც კარიერაში საუკეთესო შანსი აქვს ძირითადისათვის იბრძოლოს, რადგან ნომინალური ფორვარდი მის გარდა მხოლოდ კარიმი არის, რომელიც თავის მხრივ ძალიან ცუდ ფორმაშია.