სამხრეთ ამერიკულმა გამოცემა Depor.pe-მ, სამეფო კლუბის 11 ყველაზე წარუმატებელი ტრანსფერი დაასახელა, პოზიციების მიხედვით.

არშემდგარი მადრიდისტების თერთმეტეული შემდეგნაირად გამოიყურება: ბიზარი; ვიტორი, სპასიჩი, ვუდგეითი, დრენტე; ოგნიენოვიჩი, გრავესენი, რინკონი, ბალიჩი; პეტკოვიჩი და კონგო.

დავიწყოთ ბიზარით, რომელიც ბოდო ილნერის წასვლის შემდეგ მოიყვანეს.მისი კარიერა იმ დროის ამომავალმა ვარსკვლავმა, კასილიასმა დაჩრდილა.

წარუმატებელი გამოდგა ვიტორის გამადრიდელებაც, რომელიც კაფუსთან უშედეგო მოლაპარაკების ფონზე მოიყვანეს გუნდში.

მხოლოდ „ნოუ კამპზე“ ავტო გოლით დაგვამახსოვრა თავი სპასიჩმა, ხოლო ვუდგეითი გაუთავებელმა ტრავმებმა დაღუპეს.

როისტონ დრენტე ერთ-ერთი ყველაზე პერსპექტიული ახალგაზრდის სახელით გადმობარგდა მადრიდში, თუმცა მოლოდინი ვერ გაამართლა.

ოგნიენოვიჩს ღირებული არაფერი გაუკეთებია.ამავეს თქმა შეიძლება გრავესენზეც, რომელსაც ბოლოს „ბერნაბეუს“ პუბლიკაც აუმხედრდა.

მხოლოდ 14 თამაში ჩაატარა „რეალის“ მაისურით ფრედი რინკონმა და 3 მატჩით გაუსწრო ბალიჩს, რომელშიც 21 მილიონი გადაიხადეს, მაგრამ მუხლის ტრავმამ ფეხბურთელს თამაში საშულება არ მისცა.

1 წლის განმავლობაში, მხოლოდ 6-ჯერ გამოჩნდა მწვანე მინდორზე პეტკოვიჩი, ხოლო რაც შეეხება კონგოს, მასზე დიდ იმედებს ამხარებდნენ, მაგრამ...

as.com