პორტუგალიელი თავდასხმელი, კრიშტიანუ რონალდო გუნდში ახალი მწვრთნელის მოსვლით კმაყოფილია.

"მე არ ვაპირებ ამ კაცზე საუბარს. ეს საჭორაო თემა არ არის"-განაცხადა მან, ჟოზე მოურინიოზე ჰოლანდიის ეროვნულ ნაკრებთან მატჩის შემდეგ.

"ანჩელოტი დიდი მწვრთნელია და ასევე სტადიონს გარეთ ძალიან კარგი პიროვნებაა. ბედნიერი ვარ, რომ მასთან ერთად მიწევს მუშაობა".

"ჩვენ ვეცდებით სეზონში მაქსიმუმის გაკეთებას, ჩემპიონთა ლიგისა და ლა ლიგის მოგებას. ეს, რა თქმა უნდა, ძალიან რთული იქნება, მაგრამ იმედი მაქვს, რომ ასეთი კარგი მწვრთნელის დახმარებით ყველაფერს შევძლებთ".

შეგახსენებთ, რომ ანჩელოტის პირველი ოფიციალური მატჩი, 18 აგვისტოს "ბეტისთან" აქვს.

ინფორმაციის წყარო: Goal.com