მოგეხსენებათ, რამდენიმე დღეში სანტიაგო ბერნაბეუს რაულ გონსალეს ბლანკო ეწვევა საკუთარ გუნდთან ერთად, ერთი ტაიმის განმავლობაში კი იგი „ბლანკოსის“ ფორმას მოირგებს...

შეხვედრასთან დაკავშირებით ვრცელდება ინფორმაცია, რომ ბერნაბეუზე ჩასვლა ძალიან სურს გონსალო იგუაინს, რომელიც სულ ცოტა ხნის წინ გახდა იტალიური ნაპოლის საკუთრება.

Sky Sport-ის ინფორმაციით პიპიტამ რაფაელ ბენიტესს ესპანეთში გაშვება სთხოვა, შემდეგ კი ნებართვა კლუბის გენ.დირექტორისგან აიღო, მას ძალიან სურს რაულთან შეხვედრა და უდიდესი პატივისცემის გამოხატვა.

იგუაინის შვებულება სულ რამდენიმე საათს გასტანს, რადგან იგი ცხელი და დიდი სეზონისთვის ემზადება, რომელიც სამხრეთ იტალიურ კლუბს ელის, შესაძლოა პიპა იტალიაში მატჩის დასრულებისთანავე გაფრინდეს.