რაფაელ ბენიტესის განცხადებით, იგი ნამდვილად იყო დაინტერესებული ფაბიო კოენტრაოს შეძენით, მაგრამ როგორც ჩანს მოლაპარაკებებს დასასრული არ უჩანს და პორტუგალიელი მოთამაშე იტალიაში არ გადაბარგდება...

„ვფიქრობ, ფაბიო მსოფლიოს ერთ-ერთი საუკეთესო მოთამაშეა საკუთარ პოზიციაზე, სწორედ ამიტომ ითხოვს სამეფო კლუბი მის სანაცვლოდ ასტრონომიულ თანხას, რომლის გადახდასაც ჩვენ ნამდვილად არ ვაპირებთ, თუმცა ისიც გასათვალისწინებელია, რომ რამდენიმე წლის წინ პორტუგალიელმა რეალს 30 მილიონი ევროს სანაცვლოდ მიაშურა და პერესს არ სურს „მინუსში“ დარჩენა.“

„მოლაპარაკებები ჩიხშია შესული აქედან გამომდინარე ჩვენ აღარ ვფიქრობთ მის შეძენაზე და სხვა ვარიანტებზე გადავერთეთ, შესაძლოა ნაპოლიმ აღარავინ დაიმატოს და ახლანდელი რესურსით იბრძოლოს იტალიის ჩემპიონობისათვის, ზუსტად ვერაფერს გეტყვით, რადგან მოვლენები ელვის სისწრაფით იცვლება.“