ალბათ, დამეთანხმებით, რომ კრიშტიანუ რონალდუ ახალ სეზონს დიდებულ ფორმაში ხვდება.

პორტუგალიელი გოლეადორი, ოფიციალური თამაშების მსგავსად, არც ტესტ-მატჩებშია უსაქმური.ესპანეთში მიიჩნევენ, რომ კარლო ანჩელოტის მიერ მადრიდული სადავეების ჩაბარების შემდეგ, რონალდუ უფრო ათამაშდა.რამდენად სიმართლეს შეესაბამება ეს მოსაზრება ვერ გეტყვით, თუმცა ფაქტი ერთია - კრ7 გოლაობას აგრძელებს.

მაშ ასე, კრიშტიანუმ ჯამში 7 ამხანაგურ თამაშში მიიღო მონაწილეობა და 6 გოლი გაიტანა.მადრიდისტამ გოლების სეზონი, „ბორნმუთთან“ დუბლით გახსნა, ამას დაემატა გოლი „ევერტონთან,“ დიდებული ბურთები „ჩელსისთან“ და ბოლოს, „ინტერთან.“

რონალდუ ჩვეულ რიტმში განაგრძობს ასპარეზობას და ახალს სეზონს მოუთმენლად ელის.შემდეგი მსხვერპლი „ბეტისია.“

marca.com